Dibçəyə 1 stəkan əlavə edin - Solğun gülləri canlandırır

Evdə və ya balkonda bitki yetişdirənlərin əsas problemi anidən yarpaq tökən, saralan və ya çiçək açmayan solğun bitkilərdir. Baha kimyəvi gübrələrə xərc çəkmədən öncə mətbəxdəki təbii vasitələrdən istifadə edərək qurumaqda olan çiçəkləri belə yenidən canlandırmaq mümkündür.

Bizim.Media xəbər verir ki, güllərin solmasının və yarpaqlarının saralmasının əsas səbəbi torpağın zamanla mineral və vitaminləri itirməsidir.

Dibçəyə əlavə edilən 1 stəkan quru kofe çöküntüsü və ya toz halına gətirilmiş yumurta qabığı torpağın azot, kalium və fosfor ehtiyacını tam ödəyir.

Bu təbii qarışıq köklərin hava almasını təmin edir, torpağın su tutma qabiliyyətini artırır və bitkinin qısa müddətdə yeni tumurcuqlar verməsinə kömək edir.

Necə tətbiq olunmalıdır?

Vasitəni birbaşa torpağın üstünə yığmaq əvəzinə, torpağı yüngülcə havalandıraraq köklərə çox toxunmadan qarışdırın.

Ayda cəmi 1 dəfə 1 stəkan kofe çöküntüsü və ya yaxşıca əzilmiş yumurta qabığı tozunu əlavə edib üzərindən su vermək kifayətdir.

Yarpaqları canlanan, rəngi tündləşən və bol çiçək açan bitkilərinizlə evinizin atmosferi anında dəyişəcək. (Milli.Az)

Bizim.Media