Pendirdən daha çox kalsium ehtiva edir - sümükləri betona döndərir

Mətbəxlərdə geniş istifadə edilən ətirli bitki - quru bibəriyə (rozmarin) zəngin mineral və antioksidant tərkibi ilə diqqət çəkir.

Bizim.Media "Planeta" nəşrinə istinadən xəbər verir ki, 100 qram quru bibəriyədə təxminən 1280 mq kalsium var. Bu göstərici hətta bərk pendirlərdəki kalsium miqdarından daha yüksəkdir və sümük-diş sağlığı üçün böyük əhəmiyyət kəsb edir.

Bibəriyenin zəngin qida dəyərini (100 qramda) təqdim edir:

Kalsium: ~1280 mq (Sümük strukturlarını möhkəmləndirir)

Kalium: ~955 mq (Qan təzyiqi və əzələləri dəstəkləyir)

Maqnezium: ~220 mq (Əsəb sistemini rahatladır)

Dəmir: ~29.3 mq (Hemoqlobin istehsalını artırır)

Lif: ~42.6 q

Sağlamlığa əsas faydaları:

Antioksidant və iltihabəleyhinə: Tərkibindəki rozmarin və karnosik turşuları sərbəst radikallarla mübarizə aparır, iltihabı azaldır.

Həzm sisteminə dəstək: Qarın köpü və mədədəki dolğunluq hissini yüngülləşdirir.

Yaddaş və konsentrasiya: Bibəriyə ətri və tərkibi yaddaşı gücləndirir, diqqəti toplamağa kömək edir.

Duz istifadəsini azaldır: Xörəklərə qatılan bibəriyə güclü ətir verdiyi üçün yeməyə əlavə olunan duzun miqdarını azaltmağa imkan yaradır.

İstifadə qaydaları:

Yeməklərdə: Sobada bişən kartof, tərəvəz, ət, balıq, şorba və souslara əlavə edilə, həmçinin zeytun yağı və sarımsaqla birgə istifadə oluna bilər.

Çay kimi: 1 çay qaşığı quru bibəriyənin üzərinə qaynar su tökərək 5-10 dəqiqə dəmləyib içmək olar.

Həddindən artıq qəbulu mədə narahatlıqlarına səbəb ola bilər.

Qatılaşdırılmış bibəriyə efir yağını udmaq (ağızdan qəbul etmək) olmaz, zəhərlənmə verə bilər.

Hamilə və süd verən qadınlar yüksək dozada bibəriyə və ya onun mənşəli əlavələrini qəbul edərkən ehtiyatlı olmalıdırlar. (milli.az)

Bizim.Media