COVID-19-un FƏSADLARI: Koronavirusdan sağalmış olsanız da bu xəstəliklər yarana bilər

Alimlər koronavirus infeksiyasının insanın sinir sisteminə təsir göstərərək motivasiya, sevinc və yaddaşla əlaqəli reseptorların sıxlığını azalda biləcəyini müəyyən ediblər.

Bizim.Media xəbər verir ki, bu barədə “The Economist” nəşri yazıb.

Nəşrin məlumatına görə, xəstəlik nə qədər ağır keçərsə, orqanizmdə baş verən dəyişikliklər də bir o qədər nəzərəçarpan ola bilər.

Tədqiqatçılar sağaldıqdan sonra bu reseptorların hər zaman öz-özünə bərpa olunmadığına diqqət çəkiblər.

Həkimlər sinir uclarının bərpası üçün ayrıca müalicə tələb oluna biləcəyini bildirirlər. Bununla belə, hazırda bu istiqamətdə effektiv müalicə üsulları tam öyrənilməyib.

Mütəxəssislər koronavirusun insan sağlamlığına uzunmüddətli təsirlərini, xüsusilə sinir sistemində yaratdığı dəyişiklikləri araşdırmaqda davam edirlər. Yeni məlumatların COVID-19-dan sonra uzun müddət davam edən simptomların səbəblərini daha yaxşı anlamağa kömək edəcəyi gözlənilir.

Bizim.Media