Melburn Universitetində Bədii və Sənədli Filmlər üzrə Prodüserlik magistr proqramında təhsil alan azərbaycanlı tələbə Afaq Yusiflinin təhsil haqqının ödənilməsilə bağlı yaranmış problem Azərbaycan Respublikasının Mədəniyyət Nazirliyinin və onun tabeliyində fəaliyyət göstərən Kino Agentliyinin nəzarətinə götürülüb.
Bizim.Media xəbər verir ki, bu barədə Azərbaycan Kino Agentliyindən məlumat verilib.
Bildirilib ki, Afaq Yusiflinin təhsil haqqı qismən Azərbaycan Respublikasının Mədəniyyət Nazirliyinin Mədəni və Yaradıcı Sənayelər üzrə xüsusi təqaüd proqramı çərçivəsində ödənilib.
Nazirlik bu istiqamətdə öz üzərinə düşən öhdəliyi yerinə yetirib. Digər tərəf vəsaiti vaxtında köçürmədiyinə görə təhsil haqqının ödənilməsində problem yaranıb.
Artıq Mədəniyyət Nazirliyi və onun tabeliyində fəaliyyət göstərən Kino Agentliyi tərəfindən vəsaitin qalan hissəsinin də ödənilməsi üçün lazım olan addımların atılmasına başlanlıb.
Məsələ ən qısa zamanda tam həllini tapacaq.
Bizim.Media
