Həyətində terras tikirdi- 1100 illik vikinq xəzinəsi tapdı - FOTO

Danimarka sakini öz evinin bağçasında vikinqlər dövrünə aid gümüş xəzinə tapıb.

Bizim.Media xəbər verir ki, bu barədə "Danmarks Radio" məlumat yayıb.

Sakin xəzinəni həyətində teras tikintisi apararkən aşkar edib. Xəzinənin tərkibində ümumi çəkisi 18,5 kiloqram olan 700-dən çox gümüş əşya tapılıb. Tapıntılar arasında gümüş külçələr, zərgərlik məmulatları, sikkələr və Skandinaviya mifologiyasında ildırım tanrısı olan Torun kiçik çəkici yer alır.

Arxeoloqlar artıq bu tapıntını Danimarkada vikinqlər dövrünə aid ən böyük xəzinə adlandırırlar.

Qeyd edək ki, bundan əvvəlki rekord 6,5 kiloqram çəkisi olan "Terslev xəzinəsi"nə məxsus idi.




Bizim.Media