İsmayıllıda güclü yanğın hadisəsi baş verib.
Bizim.Media-nın Aran bürosu xəbər verir ki, hadisə rayonun Həsənbəy Zərdabi küçəsində qeydə alınıb.
Belə ki, yanğın 34 yaşlı rayon sakini Qurbanov Kamal Vüqar oğluna məxsus 120 kv.metr avtomobil sexində başlayıb. Sex yanar konstruksiyaları ilə birlikdə yanaraq külə dönüb.
Hadisə yerinə dərhal İsmayıllı rayon Yanğından Mühafizə Hissəsinin canlı qüvvəsi və texnikası cəlb olunub. Yanğın söndürülüb və ətrafa genişləndirilməsinin qarşısı alınıb.
Hazırda fakt araşdırılır.
Bizim.Media, Aran bürosu
