Çiyələyi niyə 5 dəqiqə sodalı suda saxlamaq lazımdır?

Yay mövsümündə ən çox alınan meyvələrdən biri çiyələkdir. Lakin bu meyvə tez xarab olur. Çiyələyin düzgün saxlanma üsulları açıqlanıb.

Bizim.Media bildirir ki, çiyələyin tez xarab olmasının əsas səbəbi nəmlikdir. Görünməyən kif sporları da bu prosesi sürətləndirir. Düzgün təmizləmə isə saxlama müddətini uzadır.

Mütəxəssislər çiyələyi dərhal yumamağı tövsiyə edirlər. Əvvəlcə böyük qaba bir ölçü sirkə əlavə edilməlidir. Daha sonra üç ölçü soyuq su tökülməlidir.

Kənd təsərrüfatı mütəxəssisləri qarışığa bir qədər soda qatılmasını məsləhət görürlər. Bu üsul pestisid qalıqlarının təmizlənməsinə kömək edir.

Çiyələklər yaşıl saplaqları çıxarılmadan məhlula yerləşdirilməlidir. Meyvənin qarışıqda beş dəqiqə qalması kifayətdir.

Sirkə səthdəki kif bakteriyalarını aradan qaldırır. Bundan sonra çiyələklər soyuq su ilə yaxşıca yuyulmalıdır.

Yuyulmuş meyvələr tam qurudulmalıdır. Kağız dəsmal artıq nəmin çəkilməsinə kömək edir. Nəmlik qaldıqda çiyələk daha tez xarab olur.

Saplaqların əvvəlcədən kəsilməsi məsləhət görülmür. Açıq məsamələrdən su meyvənin içinə keçir. Bu isə çiyələyin yumşalmasına səbəb olur.

Saplaqların yalnız istehlakdan əvvəl çıxarılmasını tövsiyə edilir. Bu üsul meyvənin təravətini daha uzun qoruyur. (demokrat.az)

Bizim.Media