Fiziki aktivliyin əsas məqsədi ürəyi qorumaq olsa da, hansı məşq növünün daha effektiv olduğu hər zaman müzakirə mövzusu olub. Ancaq səhiyyə mütəxəssisləri artıq bir məsələdə ortaq fikrə gəliblər.
Bizim.Media "Ensonhaber"ə istinadla xəbər verir ki, ürək-damar sistemini gücləndirmək və qan dövranını maksimum səviyyəyə çatdırmaq üçün ən əhatəli məşqlərdən biri olan üzgüçülük orqanizmə kompleks fayda verir.
"Cleveland Clinic" tərəfindən paylaşılan məlumatlara görə, üzgüçülük yalnız bir idman növü deyil, ürək, ağciyərlər və əzələlər üçün birbaşa fayda təmin edən məşq kimi qiymətləndirilir. Belə ki, müntəzəm üzgüçülük ürək xəstəliklərindən ölüm riskini nəzərəçarpacaq dərəcədə azaldır.
Mütəxəssislər bildirirlər ki, üzgüçülük ən əsas ürək-damar məşqlərindən biridir. O, ürəyi gücləndirir və onun ümumi fəaliyyətini yaxşılaşdırır.
Araşdırma müntəzəm üzgüçülüyün ürəyə təsirlərini üç əsas istiqamətdə izah edir:
1. Xolesterinə nəzarət: Qan göstəricilərini optimallaşdıraraq xolesterin səviyyəsini yaxşılaşdırır.
2. Təzyiqin tənzimlənməsi: Yüksək arterial təzyiqin (hipertoniyanın) azalmasına kömək edir.
3. Riskin azaldılması: Ürək xəstəliklərinə tutulma riskini birbaşa aşağı salır.
Aparılan araşdırmalar göstərir ki, müntəzəm olaraq üzgüçülüklə məşğul olan şəxslərdə ürək xəstəlikləri və ya insult nəticəsində ölüm riski bu fəaliyyətlə məşğul olmayanlarla müqayisədə 41 faiz daha aşağıdır.
Bizim.Media
