Azərbaycan Tibb Universitetinin mətbuat katibi Günel Aslanova vəzifəsindən ayrılıb.
Bizim.Media xəbər verir ki, bu barədə o, sosial şəbəkədə yazıb.
G.Aslanova 10 ildir çalışdığı vəzifəsindən öz istəyi ilə ayrıldığını bildirib:
"Dostlar! Sizinlə bir məlumatı bölüşmək istəyirəm. 10 ildən artıqdır çalışdğım mənim üçün doğma olan Azərbaycan Tibb Universitetindəki vəzifəmdən öz istəyimlə ayrıldım.
Böyük zəhmətlə keçdiyim bu yol mənim üçün sadəcə bir iş deyil, həm də zəngin təcrübə və dəyərli insanlarla, o cümlədən tibb sahəsinin peşəkarlar ilə birgə fəaliyyət imkanı oldu.
Başda ATU rəhbərliyi olmaqla, doğma universitetin bütün kollektivinə, həmçinin daim əməkdaşlıq etdiyim media nümayəndələrinə dərin təşəkkürümü bildirirəm!"
Bizim.Media
