Göygöldə silahlı şəxslər fermadan oğurluq edib.
Bizim.Media-nın yerli bürosunun məlumatına görə, rayonun Hacıməlik qəsəbəsi yaxınlığında yerləşən “Muraz” kəndli fermer təsərrüfatına gecə saat 02:20-də gələn maskalı şəxslər 62 baş xırdabuynuzlu heyvanı – sağmal ana qoyunları oğurlayaraq naməlum istiqamətə aparıb.
Təsərrüfat sahibi Mahir Tağıyevin sözlərinə görə oğurluq hadisəsi təhlükəsizlik kameraları tərəfindən qeydə alınıb.
Məsələ ilə əlaqədar Göygöl RPŞ-yə müraciət edilib.
Polis hadisə ilə bağlı əməliyyat-axtarış tədbirləri həyata keçirir. Hazırda fermada anasız qalan 70-dək südəmər quzu təsərrüfatın işçiləri tərəfindən əllə yemlənir. Ancaq təsərrüfat sahibinin sözlərinə görə, analarının tapılmayacağı təqdirdə quzuların sağ qalmaq ehtimalı yoxdur.
Faktla bağlı araşdırma aparılır.
Məqsəd Rəhimov, Bizim.Media, Qərb Bürosu
