Xızıda kanala düşən “Niva” sürücüsünün kimliyi bilindi - YENİLƏNİB

Hazırda oxunan: Xızıda kanala düşən “Niva” sürücüsünün kimliyi bilindi - YENİLƏNİB

54750

Xəbərləri Google-da birbaşa bizim.media-dan alın Google-da bizim.media-ya abunə ol Google axtarışında bizim.media-nı seçilmiş mənbə kimi əlavə edin Abunə ol

Yanvarın 10-u axşam saatlarında Xızının Stalçay qəsəbəsində Taxtakörpü-Ceyranbatan kanalına düşən şəxsin 47 yaşlı, Sumqayıtın H.Zeynalabdin Tağıyev qəsəbəsi sakini Hekayət Səfər oğlu İbrahimov olduğu güman edilir.

Bizim.Media-nın məlumatına görə, onun idarə etdiyi "Niva"markalı avtomobillə kanala düşdüyü bildirilir.

FHN xilasedicilərinin köməyilə avtomobil sudan çıxarılsa da batdığı ehtimal edilən şəxs tapılmayıb, onun axtarışları davam edir.

Məlumatı Bizim.Media-ya Xızı İh başçısının müavini Arzu Əzizov verib.

*** 00:48

Gecə saatlarında Taxtakörpü-Ceyranbatan kanalının Xızı rayonunun Stalçay qəsəbəsindən keçən hissəsinə Bakı istiqamətindən gələn"Niva"markalı avtomaşın düşüb.

Bizim.Media-nın məlumatına görə, əraziyə çağrılan FHN-nin xilasedicilərinin köməyi ilə avtomobil sudan çıxarılsa da sürücünü tapmaq mümkün olmayıb.

Axtarışlar davam edir. Sürücünün şəxsiyyəti dəqiqləşdirilir.

Aytəkin Alxaslı, Bizim.Media