Milli döyüş təyyarəsinin istehsalında ortaqlıq üçün danışıqlar aparırıq. Bu məsələdə ortaqlıq üçün qapımız açıqdır. Özəlliklə Azərbaycan, Pakistan kimi ölkələrlə bu məsələ ilə bağlı danışırıq və güclərimizi birləşdirməyi təklif edirik.
Bizim.Media xəbər verir ki, bunu CNN Türk telekanalına müsahibəsində Türkiyənin Prezident Administrasiyası yanında Müdafiə Sənayesi İdarəsinin rəhbəri İsmayıl Demir deyib.
MÖVZU İLƏ BAĞLI:
Türkiyə yeni silah hazırladı - "Zaha" hədəfi darmadağın edir
Onun sözlərinə görə, bu miqyasda layihənin həyata keçirilməsi üçün bir ölkənin mənbələri yetməyə bilər:
“Təbii ki, hər ölkənin özünəməxsus bacarıq və qabiliyyətləri var. Bu qabiliyyətlərin birləşdirilməsi çox önəmlidir. Bununla bağlı müsbət siqnallar almışıq, ortaqlığa tamamən açıq olduğumuzu söylədik, müsbət cavablar aldığımız ölkələrlə bu yöndə addımları daha da inkişaf etdirməyə davam edəcəyik və davam etdirməli olduğumuzu düşünürük".
Bizim.Media
