Göyçayda yol-nəqliyyat hadisəsi baş verib.
Bizim.Media-nın Aran bürosu xəbər verir ki, hadisə Göyçay-Ucar avtomobil yolunda, daha dəqiq desək, Göyçayın Müskürlü kəndi ərazisində qeydə alınıb.
Belə ki, əks istiqamətdə hərəkət edən iki avtomobil toqquşub.
“99-SL-650” dövlət nömrə nişanlı “Opel” markalı avtomobil ilə “Hyundai” markalı nəqliyyat vasitəsi toqquşub. İlkin məlumata görə, “Hyundai”nin sürücüsü hərəkət xəttindən çıxaraq “Opel”ə çırpılıb. Nəticədə “Opel” zərbənin təsirindən yol kənarındakı dərəyə aşıb.
Nəqliyyat vasitələrinə ciddi ziyan dəysə də, xoşbəxtlikdən xəsarət alan olmayıb.
Faktla bağlı araşdırma aparılır.
Bizim.Media, Aran bürosu
