Göyçayda ikimərtəbəli ev yandı - FOTO

Hazırda oxunan: Göyçayda ikimərtəbəli ev yandı - FOTO

217351

Xəbərləri Google-da birbaşa bizim.media-dan alın Google-da bizim.media-ya abunə ol Google axtarışında bizim.media-nı seçilmiş mənbə kimi əlavə edin Abunə ol

Göyçayda 7 otaqdan ibarət olan ikimərtəbəli evdə yanğın hadisəsi olub.

Bizim.Media-nın Aran bürosu xəbər verir ki, hadisə rayonun Zakir Nəcəfov küçəsində, 62 yaşlı Rövşən Fərrux oğlu Əhmədova məxsus ümumi sahəsi 384 kvadratmetr olan fərdi yaşayış evində baş verib.

Evin 2-ci mərtəbəsində 192 kvadratmetr sahədə 3 otaq və dam örtüyü yanar konstruksiyaları ilə birlikdə alışıb.

Hadisə yerinə FHN-in Göyçay Yanğından Mühafizə Hissəsinin canlı qüvvəsi və texnikası cəlb edilib. Evin 1-ci mərtəbəsi və yaxınlıqda olan tikililər yanğından mühafizə edilib. Xoşbəxtlikdən hadisə zamanı xəsarət alan olmayıb. Yanğının nədən baş verdiyi hələ ki, məlum deyil.

Faktla bağlı araşdırma aparılır.

Bizim.Media, Aran bürosu

© Materiallardan istifadə edərkən hiperlinklə istinad olunmalıdır.
Mətndə səhv varsa, onu qeyd edib ctrl + enter düyməsini basaraq bizə göndərin.