Yanvarın 22-si saat 22 radələrində Ağdaş şəhəri ərazisində “VAZ-21011” və “Honda” markalı avtomobillər toqquşub.
Bu barədə Bizim.Media-nın Aran bürosuna DİN-in mətbuat xidmətinin Şəki regional qrupundan bildirilib.
Hadisə nəticəsində “VAZ-21011”in sürücüsü, 1990-cı il təvəllüdlü Məmmədov İlham Azər oğlu, onun 3 sərnişini, habelə digər nəqliyyat vasitəsinin sürücüsü xəsarət alıb.
Yaralılar xəstəxanaya yerləşdirilib. İlham Məmmədov aldığı ağır xəsarətlərdən xəstəxanada ölüb. Faktla bağlı araşdırma aparılır.
Bizim.Media, Aran bürosu
