Yeni QHT fəaliyyətə başlayıb: “Alternativ”

Azərbaycanda yeni Qeyri-Hokumət Təşkilatı fəaliyyətə başlayıb.Bu, “Alternativ Kommunikasiya və Tədqiqatlar ictimai birliyidir.

Bu barədə Birliyin mətbuat xidmətindən məlumat verilib.

Məlumatda qeyd edilir ki, təşkilat Ədliyyə Nazirliyində dövlət qeydiyyatına alınıb.

Birliyin əsas məqsədi insanlara bəşəri məsuliyyət hissini aşılamaq, ictimai həyatın müxtəlif sahələrində vətəndaş iştirakçılığının artmasına, ictimai rəyin formalaşmasına, elmi və praktiki tədqiqatların, monitorinqlərin, müşahidələrin, sorğuların həyata keçirilməsinə yardım etmək, təhsilli, inklüziv və sosial ədalətə əsaslanan cəmiyyəti təşviq etmək, strateji kommunikasiya sahəsində innovasiyaları artırmaq, şəffaf idarəetmə və açıq hökümət təşəbbüslərinə dəstək vermək, demokratik institutların və dəyərlərin inkişaf etdirilməsinə töhfə verməkdən ibarətdir.

İctimai Birliyin sədri jurnalist Anar Yusifoğludur.