Ümid edirəm ki, gözləri görməyən gənc müəllim Tural Cavanşirliyə Təhsil Nazirliyi dəstək olmağa çalışacaq.
Gözləri görməsə də gecə-gündüz çalşaraq Odlar Yurdu Universitetinin filologiya fakultəsini bitirib. Amma bu günə qədər özünə iş tapa bilmir. Turalla geniş söhbət etdik. İşləmək, özünə, ailəsinə, cəmiyyət üçün faydalı olmaq istəyir. Ən əsası isə yüzlərlə görmə imkanı olmayan gənclərə örnək olaraq stimul, mənəvi dayaq olmaq istəyir. Bu cür gənc örnəklərə böyük ehtiyacımız var. Turalla bağlı Təhsil naziri Mikayıl Cabbarova millət vəkili olaraq xahiş müraciət məktubu göndərdim. Ümid edirəm ki, Tural Kərimov məsələsinə həssaslıq və diqqətlə yanaşılacaq və qısa zamanda işlə təmin olunacaq. Onun buna çox ehtiyacı var. istər maddi, istərsə də mənəvi. Dəyərli Turala həyatda hər zaman böyük uğurlar diləyirəm. Allah hər zaman yardımçısı olsun!
Qənirə Paşayeva, millət vəkili
