Qəzada yaralandı - 10 gün sonra xəstəxanada ÖLDÜ

Hazırda oxunan: Qəzada yaralandı - 10 gün sonra xəstəxanada ÖLDÜ

131159

Xəbərləri Google-da birbaşa bizim.media-dan alın Google-da bizim.media-ya abunə ol Google axtarışında bizim.media-nı seçilmiş mənbə kimi əlavə edin Abunə ol

On gün öncə Qəbələ şəhərində baş verən ağır yol-nəqliyyat hadisəsində yaralanan piyada bu gün xəstəxanada keçinib.

Faktı Bizim.Media-nın yerli bürosuna Daxili İşlər Nazirliyinin Mətbuat Xidmətinin Şəki regional qrupundan təsdiqləyiblər.

Məlumatda qeyd olunur ki, aprelin 7-də şəhər ərazisində sürücü Rahim Abdullayev idarə etdiyi “Mercedes” markalı avtomobillə rayonun Vəndam qəsəbə sakini, 55 yaşlı Yaqub Hacıyevi vurub.
Kəllə-beyin xəsarətləri alan piyada ağır vəziyyətdə rayon mərkəzi xəstəxanasına yerləşdirilib. Həkimlərin səyinə baxmayaraq Y. Hacıyev bu gün vəfat edib.

Daxili İşlər Nazirliyinin Mətbuat Xidmətinin Şəki regional qrupundan o da bildirilib ki, baş verən yol-nəqliyyat hadisəsi ilə bağlı rayon polis şöbəsində cinayət işi başlanılıb, istintaq davam edir.

Tural Rasim oğlu, Bizim.Media, Şimal-Qərb bürosu