"Mənə dedilər ki, sən Fikrət Yusifovdan artıq deyilsən ki... O, 2005 - ci ildə Əli İnsanov və Fərhad Əliyevin üzünə durdu. Hətta bunun üçün küllü miqdarda rüşvət də təklif elədilər ki, onun dediyi adamların üzünə durum ki, onlar Əli Kərimliyə guya maliyyə ötürürlər".
Moderator.az -ın xəbərinə görə, bunu Kanal 13 - də Kamran Mahmudovun qonağı olan keçmiş siyasi məhbus, jurnalist Pərviz Həşimli bildirib.
Pərviz Həşimli başqa maraqlı məqamlarda da toxunub: "Əli Nağıyevin, Cavid Qurbanovun və digər şəxslərin adını çəkirdilər. Mən deməliydim ki, onlar Əli Kərimli ilə əlaqədədirlər. Eldar Mahmudov bir dövlət çevrilişi şousu yaratmaq istəyirdi. İndi həbsdə olan general Elçin Quliyev və İlqar Əliyev mənə 2 seçim irəli sürdülər: ya pul alıb üzə durmaq, ya da həbsdə qalmaq".
