Prezident İlham Əliyev “Azərbaycan Respublikasının Mərkəzi Bankı haqqında”x9d Azərbaycan Respublikasının Qanununda dəyişikliklər edilməsi barədə”x9d 2016-cı il 4 mart tarixli Qanunun tətbiqi haqqında sərəncam imzalayıb.
Moderator.az xəbər verir ki, dəyişikliklərə əsasən, qanunun 2.1-ci maddəsində “dövlət orqanıdır”x9d sözləri “publik hüquqi şəxsdir”x9d sözləri ilə əvəz edilir. Bu maddədə dəyişikliklərdən əvvəl qeyd olunurdu: "Mərkəzi Bank dövlət orqanıdır, onun Azərbaycan Respublikasının Dövlət gerbi təsvir edilmiş və adı yazılmış möhürü vardır".
Qanunun 4.2-ci maddəsi aşağıdakı redaksiyada verilir:
“4.2. Mərkəzi Bankın fəaliyyətinin məqsədi, həmçinin banklararası mərkəzləşdirilmiş və digər lisenziyalaşdırılmayan ödəniş sistemlərinin təşkili və fəaliyyətinin təmin edilməsi, habelə bank sisteminin sabitliyinə dəstəyin göstərilməsindən ibarətdir.”x9d;
Həmçinin 44.3-cü maddə aşağıdakı redaksiyada verilir:
“44.3. Mərkəzi Bank yaratdığı banklararası mərkəzləşdirilmiş ödəniş və digər lisenziyalaşdırılmayan sistemlərində nağdsız hesablaşmaların aparılması qaydalarını və şərtlərini, habelə istifadə olunan ödəniş sənədlərinin forma və məzmununu müəyyən edir.”x9d.
49-cu maddə isə aşağıdakı redaksiyada verilir:
“Maddə 49. Sonuncu instansiya kreditoru
Bankların ödəmə qabiliyyətinin qısamüddətli pozulması və likvidlik çatışmazlığı hallarında maliyyə bazarlarına nəzarət orqanı 6 (altı) aydan artıq olmayan müddətə kreditlərin verilməsi üçün Mərkəzi Banka müraciət edə bilər. Maliyyə bazarlarına nəzarət orqanının müraciəti əsasında Mərkəzi Bank 2 (iki) bank günündən gec olmayaraq kreditlərin verilib-verilməməsi barədə müvafiq qərar qəbul etməlidir.”x9d;
Bundan başqa, 51-ci maddə aşağıdakı redaksiyada verilir:
“Maddə 51. Beynəlxalq əməkdaşlıq
Mərkəzi Bank qanunla onun səlahiyyətlərinə aid edilmiş məsələlərlə əlaqədar beynəlxalq təşkilatlarla və xarici dövlətlərin müvafiq təşkilatları ilə əməkdaşlıq edə bilər.”x9d;
Bu qanun qüvvəyə mindiyi günədək Mərkəzi Bankın qəbul etmiş olduğu normativ xarakterli aktlar həmin aktlarla tənzimlənən məsələlərə dair normativ xarakterli aktlar qəbul etmək səlahiyyəti olan maliyyə bazarlarına nəzarət orqanının aktları qüvvəyə minənədək öz hüquqi qüvvəsini saxlayır.
