Zaqatalada zəncirvari yol qəzası: Xəsarət alan var 

Gecə saatlarında Zaqatala şəhərinin Heydər Əliyev prospektində zəncirvari qəza baş verib. 

Bizim.Media-nın yerli bürosunun məlumatına əsasən,  qəza zamanı “VAZ-2121” (“Niva”), “Hyundai” və “BMW” markalı minik avtomobilləri toqquşub. 

Nəticədə  “Niva” idarəetmədən çıxaraq aşıb. Bu zaman sürücü  36 yaşlı Azad  Osmanov sükan arxasında sıxılmış vəziyyətdə qalıb. 

Hadisə yerinə  Fövqaladə Hallar Nazirliyinin (FHN) Zaqatala rayon Dövlət Yanğından Mühafizə Hissəsinin yanğınsöndürən xilasediciləri cəlb edilib və Azad Osmanov çıxarılaraq həkimlərə təhvil verilib.  

Daha sonra müxtəlif dərəcəli bədən xəsarət alan sürücü  Zaqatala rayon mərkəzi xəstəxanasına yerləşdirilib.

Faktla bağlı rayon polis şöbəsində araşdırma aparılır.

Tural Rasim oğlu, Bizim.Media, Şimal-Qərb bürosu