Şəkidə iki ailənin yaşadığı binada yanğın oldu

Şəki şəhərində iki ailənin yaşadığı ikimərtəbəli binada yanğın olub.

Bizim.Media xəbər verir ki, hadisə Mahmud Əliyev küçəsində baş verib.

Əraziyə Fövqəladə Hallar Nazirliyinin ( FHN) Şəki Rayon Dövlət Yanğından Mühafizə Hissəsinin üç yanğınsöndürən maşını və şəxsi heyəti cəlb edilib.

Yanğın nəticəsində 1978-ci il təvəllüdlü Məhərrəmov Natiq Əhəd oğluna məxsus ümumi sahəsi 290 kvadratmetr (hər mərtəbəsi 145 kv.m.) olan ikimərtəbəli 5 otaqlı evin çardağının yanar konstruksiyaları 80 kvadratmetr, 1 otağının yanar kanstruksiyaları 22 kvadratmetr və bitişik 1958-ci il təvəllüdlü Məhərrəmov Kərim Məmmədsadıq oğluna məxsus ümumi sahəsi 336 kv.m (hər mərtəbəsi 168 kv.m) olan ikimərtəbəli 4 otaqlı evin çardağının yanar konstruksiyaları yanıb.

Yanğından hər iki evin qalan hissəsi mühafizə olunub.

Yanğın zamanı xəsarət alan olmayıb.

Faktla bağlı araşdırma aparılır.

Bizim.Media